پێشمه‌رگه سپۆرت - میران محه‌مه‌د
له درێژه‌ی یارییه‌كانی پاڵه‌وانێتی گۆڕه‌پان و مه‌یدانی عێراق و له‌سه‌ر ئاستی یارییه‌كانی كچان ، پێشمه‌رگه‌كان چه‌ندین ئه‌نجامی كاریگه‌ریان له پایته‌ختی عێراق به‌ده‌ست هێنا و میدالیا ئاڵتونه‌كانیان له ده‌ست نه‌دا .
له یاری سێ باز و وه‌ك هه‌میشه چاوان به‌هادینی پاڵه‌وان توانی پله‌ی یه‌كه‌م به‌ده‌ست بهێنێت و نه‌ورۆزی ده‌سته خوشكیشی دووه‌م بوو .
ئه‌مه‌و له یاری ڕاكردنی ماوه درێژه بۆ 1500 مه‌تر ئامال خزر پله‌ی یه‌كه‌می به‌ده‌ست هێنا و ڕه‌نا به‌ره‌كات-یش دووه‌م بوو ، هه‌رچی له یاری 5000 مه‌تر بوو دووباره ڕه‌نا به‌ره‌كات توانی دووه‌م بێت و میدالیایی زیوی وه‌رگرت .
هه‌روه‌ك له یاری 4 × 400 مه‌تر پۆسته‌ی كچان بوو دووباره كچانی پێشمه‌رگه توانیان بێ ڕكابه‌ر له نێوان چواریانه پله‌ی یه‌كه‌م به‌ده‌ست بهێنن و نازناوه‌كه‌یان له دوایی 6 ساڵ بۆ خۆیان یه‌كلاكرده‌وه كه ئه‌و یارییه له پڕۆگرامه‌كانی پاڵه‌وانێتیه‌كانی یه‌كێتی گۆڕه‌پان و مه‌یدانی عێراق ده‌ركرا بوو .