تیپی‌ باله‌ی‌ یانه‌ی‌ وه‌رزشی‌ پێشمه‌رگه‌ له‌ نێو هۆڵی‌ شه‌هیدی‌ ئه‌ندازیار ئه‌حمه‌دی‌ تایبه‌ت به‌ یانه‌كه‌ی‌ دوا یه‌كه‌ی‌ مه‌شقی‌ ئاماده‌كاری‌ بۆ یارییه‌كانی‌ خۆی‌ له‌ قۆناغی‌ دووه‌می‌ خولی‌ نایابی‌ یانه‌كانی‌ عێراق ئه‌نجام دا .

ئێواره‌ی‌ ڕۆژی‌ سێ‌ شه‌ممه‌ 21 ی‌ 11 ی‌ 2023 و به‌ ئاماده‌بوونی‌ ته‌واوی‌ یاریزانه‌كانی‌ ، تیپه‌كه‌ی‌ یانه‌ی‌ پێشمه‌رگه‌ نوێنه‌ری‌ شاری‌ سلێمانی‌ له‌و خوله‌ به‌هێزه‌دا ، مه‌شق و ئاماده‌كارییه‌كانی‌ ئه‌نجام داو بڕیاره‌ ڕۆژی‌ چوار شه‌ممه‌ 22 ی‌ مانگ ئه‌و تیمه‌ دوا یه‌كه‌ی‌ مه‌شقی‌ له‌ نێو هۆڵی‌ داخراوی‌ یانه‌ی‌ سه‌ناعه‌ له‌ شاری‌ به‌غدادی‌ پایته‌ختی‌ عێراق ئه‌نجام بدات ئه‌وه‌ش به‌مه‌به‌ستی‌ ئه‌نجام دانی‌ یارییه‌كانی‌ له‌ قۆناغی‌ دووه‌می‌ خوله‌كه‌ .

هه‌رچی‌ بڕیاره‌ له‌ كاتژمێر 2:00 ی‌ پاش نیوه‌ڕۆی‌ ڕۆژی‌ پێنج شه‌ممه‌ 23 ی‌ مانگی‌ 11 و له‌ یه‌كه‌م یاری‌ قۆناغی‌ دووه‌می‌ خوله‌كه‌دا ، تیپی‌ باله‌ی‌ یانه‌ی‌ پێشمه‌رگه‌ له‌به‌رامبه‌ر یانه‌ی‌ نینوێ‌ یاری‌ بكات .