پێشمه‌رگه سپۆرت - میران محه‌مه‌د
دوایی ئه‌و ئاسته به‌رزه‌ی پیشانی داو توانی تاكه گۆڵی یاری نێوان یانه‌كه‌ی و یانه‌ی نه‌جه‌ف تۆمار بكات ، لیژنه‌ی هه‌ڵسه‌نگاندنی باشترین یاریزان له یه‌كێتی ناوه‌ندی تۆپی پێی عێراق خه‌لاَتی باشترین یاریزانی ئه‌و یارییه‌ی به‌خشییه ( ڕێژوان ناسر ) .
ئه‌مه‌و دوایی كۆتاهاتنی یاری نێوان هه‌ردوو تیم جامی باشترین یاریزانی یارییه‌كه له‌لایه‌ن به‌ڕێز ڕه‌فیق ئیسماعیل ی سكرتێری یه‌كێتی تۆپی پێی سلێمانی پێبه‌خشرا و دوایی وه‌رگرتنی خه‌لاَته‌كه‌ی ڕێژوان به پێشمه‌رگه سپۆرتی ڕاگه‌یاند كه خۆی به باشترین نازانێت چونكه هه‌موو هاوڕێكانی باشترین بوون ، ئه‌و لاوه ووتیشی تیمی لاوانی پێشمه‌رگه یاری كۆمه‌ڵ ئه‌نجام ده‌ده‌ن و پێكه‌وه ده‌توانن سه‌ركه‌وتن به‌ده‌ست بهێنن و ئه‌و ئه‌نجامانه‌ی تا ئێستاش به‌ده‌ستیان هێناوه بۆ ئه‌وه ده‌گه‌ڕێته‌وه كه ته‌واوی یاریزانان به باشترین شێوه یاریان كردووه .
دواجار ڕێژوان ناسڕ هیوای خواست له‌سه‌ر یاریگه‌كه‌یان نازناوی خوله‌كه بۆ خۆیان و شاری سلێمانی به‌ده‌ست بهێنن .