پێشمه‌رگه سپۆرت - میران محه‌مه‌د
یارییه‌كانی جه‌وله‌ی دووه‌می خولی خوار 21 سالاَنی یانه‌كانی عێراق به كۆتاهاتن و له‌و جه‌وله‌یه‌دا ، تیمی تۆپی پێی خوار 21 سالاَنی یانه‌ی پێشمه‌رگه توانیان سه‌ركه‌وتنێكی گرنگ به‌ده‌ست بهێنن و له ده‌ره‌وه‌ی یاریگه‌كه‌یان و له خاكی دهۆكی ڕه‌نگینه‌وه به سێ خاڵی ئاڵتونی یه‌وه گه‌ڕانه‌وه ئه‌وه‌ش دوای بردنه‌وه‌یان له تیمی تۆپی پێی یانه‌ی دهۆك به ئه‌نجامی دوو گۆڵی بێ وه‌لاَم .
پێشمه‌رگه‌كان له‌و یاریه‌یاندا به ئاستێكی به‌رز بینران و هه‌ردوو یاریزان ( خۆژی شوكر و حیده‌ر وسام ) له خوله‌كه‌كانی 44 و 73 توانیان ئه‌و دوو گۆڵه تۆمار بكه‌ن كه پێشمه‌رگه‌كانی كرده خاوه‌ن 3 خاڵی گرنگی جه‌وله‌كه .
ئه‌مه‌و له هه‌مان ڕۆژ 17 یاری دیكه به‌ڕێوه چوو تێیداو ( حدود ، كاره‌با ، الحسین ، الزه‌ورا ، دیالی ، نه‌جه‌ف ، ته‌ڵه‌به ، قوه جه‌ویه ، قاسم ، نه‌ورۆز ، غه‌راف ، ناصریه و نه‌فت به‌سره ) توانیان به سه‌ركه‌وتن شادبن و ته‌واوی ئه‌نجامه‌كانیش به‌م شێوه‌یه بوون .