پێشمه‌رگه سپۆرت - میران محه‌مه‌د
جه‌وله‌ی دووه‌م له قۆناغی یه‌كه‌می یارییه‌كانی خولی نایابی باله‌ی یانه‌كانی عێراق به كۆتاهات و له‌و جه‌وله‌یه‌دا پێشمه‌رگه له یه‌كه‌م یاری خۆیدا ، یه‌كه‌م سه‌ركه‌وتنی به‌ده‌ست هێنا .
پاش نیوه‌ڕۆی ڕۆژی یه‌ك شه‌ممه 8 ی 12 ی 2024 و له نێو هۆڵی داخراوی یانه‌ی پێشمه‌رگه ، یارییه‌كانی جه‌وله‌ی دووه‌م له قۆناغی یه‌كه‌می خولی نایابی باله‌ی یانه‌كانی عێراق به‌ڕێوه چوو تێیداو له یه‌كه‌م یاری دا یانه‌ی حه‌بانیه توانیان به ئه‌نجامی 3-1 سێت له یانه‌ی نعمانیه به‌رنه‌وه .
ئه‌مه‌و له دووه‌م یاری كه له كاتژمێر 5:00 ی ئێواره ده‌ستیپێكرد ، پێشمه‌رگه‌كان میوانداریان له یانه‌ی نه‌ینه‌وای ڕكابه‌ریان كرد و توانیان به ئه‌نجامی سێ سێتی یه‌ك لایه‌نه و به خاڵه‌كانی ( 25 - 18 ، 25 - 21 ، 25 - 21 ) بردنه‌وه به‌ده‌ست بهێنن و به‌و ئه‌نجامه‌ش تیمی باله‌ی یانه‌ی پێشمه‌رگه توانیان ببنه خاوه‌نی یه‌كه‌م سێ خاڵی یارییه‌كان .
جێگه‌ی وه‌بیر هێنانه‌وه‌یه له خولی نایابی باله‌ی یانه‌كانی عێراق بۆ وه‌رزی 2024 - 2025 سیانزه یانه به‌شداره كه دابه‌شی سه‌رسێ كۆمه‌ڵه كراون و له كۆتایشدا و له دوای ئه‌نجام دانی دوو قۆناغی یارییه‌كانی هه‌شت یانه‌ی ده‌گه‌نه قۆناغی داهاتوو كه له‌و قۆناغه‌دا یارییه‌كانی به شێوه‌ی چوون و هاتن به‌ڕێوه ده‌چێت .