پێشمه‌رگه‌ سپۆرت - میران محه‌مه‌د

یه‌كێتی‌ ناوه‌ندی‌ تۆپی‌ پێی‌ عێراق یارییه‌كانی‌ جامی‌ یانه‌كانی‌ عێراقی‌ به‌به‌شداری‌ یانه‌ نایاب و سوپه‌ره‌كان بۆ وه‌رزی‌ 2024 - 2025 ده‌ست پێكرد .

له‌ یه‌كه‌م جه‌وله‌ی‌ یارییه‌كانی‌ ئه‌و جامه‌دا و له‌ یه‌كه‌م یاری‌ خۆی‌ ، تیمی‌ تۆپی‌ پێی‌ یانه‌ی‌ وه‌رزشی‌ پێشمه‌رگه‌ میوانداری‌ له‌ یانه‌ی‌ فه‌هد كردوو تێیداو دوایی‌ پیشان دانی‌ ئاستێكی‌ به‌رز و یه‌كسان بوونی‌ هه‌ردوو تیم له‌ كاتی‌ یاسایی‌ یارییه‌كه‌ به‌ گۆلێك دواجار و به‌ لێدانه‌ یه‌كلاكه‌ره‌وه‌كان ، تیمی‌ تۆپی‌ پێی‌ یانه‌ی‌ پێشمه‌رگه‌ توانیان به‌ ئه‌نجامی‌ سێ‌ گۆڵی‌ یه‌كلایه‌نه‌ بردنه‌وه‌ به‌ده‌ست بهێنن ئه‌وه‌ش دوای‌ ئه‌وه‌ی‌ ئه‌یوب محه‌مه‌دی‌ گۆڵپارێزی‌ پێشمه‌رگه‌ به‌ ئاستێكی‌ به‌رز ده‌ركه‌وت و له‌ سێ‌ لێدانی‌ یه‌كلاكه‌ره‌وه‌ی‌ یه‌ك له‌ دوای‌ یه‌ك سه‌ركه‌وتوانه‌ بووه‌ دیوارێكی‌ پۆلاَین و نه‌یهێشت یاریزانانی‌ یانه‌ی‌ میوان تۆڕی‌ گۆڵه‌كه‌ی‌ بهه‌ژێنن و به‌و سه‌ركه‌وتنه‌شیان پێشمه‌رگه‌كان گه‌یشتنه‌ قۆناغی‌ دووه‌می‌ یارییه‌كانی‌ جامی‌ یانه‌كانی‌ عێراق .