پێشمه‌رگه سپۆرت - میران محه‌مه‌د
دوای ئه‌نجام دانی سێهه‌م یاری له خولی تۆپی پێی خوار 16 سالاَنی یانه‌كانی عێراق ، تیمی تۆپی پێی یانه‌ی پێشمه‌رگه به كۆكردنه‌وه‌ی 7 خاڵ له پێشه‌نگی كۆمه‌ڵه‌ی چواره‌می یانه به‌شداره‌كانه .
نیوه‌ڕۆی ڕۆژی شه‌ممه به‌رواری 28 ی 12ی 2024 و له‌سه‌ر یاریگه‌كه‌ی له ناوچه‌ی فه‌رمانده‌یی تیمی تۆپی پێی خوار 16 ساڵی یانه‌ی پێشمه‌رگه میوانداری له یانه‌ی زاخۆ كرد ، له‌و یارییه‌دا و هه‌ر له سه‌ره‌تاوه پێشمه‌رگه‌كان توانیان به ئاستێكی به‌رز ببینرێن و له خوله‌كی 8 دا و له رێگه‌ی یاریزان به‌هێز جه‌میل ه‌وه گۆڵی یه‌كه‌میان تۆمار كرد و ئه‌نجامی ئه‌و گێمه‌ش له به‌رژه‌وه‌ندی كوڕانی پێشمه‌رگه كۆتایی هات .
ئه‌مه‌و له گێمی دووه‌م دووباره ئاست به‌رزی یاریزانانی پێشمه‌رگه له لوتكه‌دا بوو تا له خوله‌كه‌كانی 50 و 61 هه‌ردوو یاریزان ( ڕائید مه‌جید و محه‌مه‌د گۆران ) دوو گۆڵی دیكه‌یان تۆمار كردوو له كۆتای یارییه‌كه‌شدا ، تیمی تۆپی پێی خوار 16 ساڵی یانه‌ی پێشمه‌رگه به ئه‌نجامی 3 گۆڵی بێ وه‌لاَم بردنه‌وه‌یان به‌ده‌ست هێنا .
جێگه‌ی باسه له كۆی سێ یاری ، یانه‌ی پێشمه‌رگه به دوو سه‌ركه‌وتن و یه‌ك یه‌كسان بوون 7 خاڵی كۆكردۆته‌وه و له پله‌ی یه‌كه‌می ڕیزبه‌ندی كۆمه‌ڵه‌كه‌یه‌تی .
ئه‌نجامی یارییه‌كانی یانه‌ی پێشمه‌رگه له خولی خوار 16 ساڵی یانه‌كانی عێراق
پێشمه‌رگه 7 × 2 دهۆك
نه‌ورۆز 1 × پێشمه‌رگه 1
پێشمه‌رگه 3 × زاخۆ 0
ڕیزبه‌ندی یانه‌كان :
پێشمه‌رگه 7 خاڵ
هه‌ولێر 6 خاڵ
دهۆك 3 خاڵ
نه‌ورۆز 1 خاڵ
زاخۆ 0 خاڵ