پێشمه‌رگه سپۆرت - میران محه‌مه‌د
له شاری به‌غدادی پایته‌ختی عێراق و له نێو هۆڵی هۆتێل ئه‌نته‌ر ڕكابه‌رییه‌كانی قۆناغی دووه‌م و كۆتایی پاڵه‌وانێتی شه‌تڕه‌نجی یانه‌كانی عێراق بۆ ئاستی نایاب ده‌ستیان پێكرد .
له‌و قۆناغه‌دا كه 14 یانه به‌شداره تیمی شه‌تڕه‌نجی یانه‌ی پێشمه‌رگه له یه‌كه‌م یاری خۆی توانی به ئه‌نجامی 4 - 2 یاری له یانه‌ی برایه‌تی شاری هه‌ولێر به‌رێته‌وه .
ئه‌مه‌و بڕیاره یارییه‌كانی قۆناغی دووه‌م له شه‌ش جه‌وله خۆی ببینێته‌وه و پاڵه‌وانی له‌و قۆناغه‌دا جامی یه‌كه‌می پێشكه‌ش ده‌كرێت .
سه‌باره‌ت به یارییه‌كانی پاڵه‌وانێته‌كه ( ئه‌سعه‌د ئیسماعیل ) سه‌رپه‌رشتیاری گشتی تیمی شه‌تڕه‌نجی یانه‌ی پێشمه‌رگه له لێدوانێكی تایبه‌ت به پێشمه‌رگه سپۆرت ووتی ، تیمه‌كه‌مان به بێ بوونی یاریزانی پیشه‌گه‌ر و به یاریزانانی خۆمان له ڕكابه‌ری یانه به‌هێزه‌كانین كه پێكهاته‌كانیان به یاریزانی ده‌ره‌كی به‌هێز كردووه ، هه‌روه‌ك ناوبراو ووتی ، له قۆناغی یه‌كه‌م حه‌وت جه‌وله‌ی یارییه‌كانمان ئه‌نجام دا كه به چوار سه‌ركه‌وتن و دوو یه‌كسان بوون و یه‌ك شكست پله‌ی سێهه‌مان به‌ده‌ست هێنا بوو وه خۆش به‌ختانه‌ش له قۆناغی دووه‌م كه یارییه‌كانی له ئێستادا به‌رده‌وامه به سه‌ركه‌وتن ده‌ستمان پێكردوو دوو خاڵی دیكه‌مان خسته سه‌ر كۆی خاڵه‌كانمان .
جێگه‌ی باسه له پاڵه‌وانێتی شه‌تڕه‌نجی پله نایابی عێراق یانه‌كانی ( پێشمه‌رگه ، خانزاد ، برایه‌تی ، مه‌لیك ، ئیتیصالات ، كاره‌با ، سه‌ماوه ، قادسیه ، عشتار ، قیساره ، الفكر ، الرسیل ، العمال و الهدف ) به‌شدارن .
ڕیزبه‌ندی یانه‌كان له پله‌ی یه‌كه‌م تا شه‌شه‌م دوای كۆتاهاتنی یارییه‌كانی جه‌وله‌ی هه‌شت :
اتصالات 16 خاڵ
كاره‌با 13 خاڵ
پێشمه‌رگه 12 خاڵ
خانزاد 10 خاڵ
برایه‌تی و مه‌لیك 9 خاڵ