پێشمه‌رگه سپۆرت - میران محه‌مه‌د
تیمی شه‌تڕه‌نجی یانه‌ی پێشمه‌رگه توانی سه‌ركه‌وتنه‌كانی درێژه پێبدات و دوو بردنه‌وه‌ی دیكه‌ی به‌ده‌ست هێنا .
له درێژه‌ی یارییه‌كانی قۆناغی كۆتایی خولی نایابی شه‌تڕه‌نجی یانه‌كانی عێراق و له جه‌وله‌كانی یانزه و دوانزه‌ی خوله‌كه ، تیمی شه‌تڕه‌نجی یانه‌ی پێشمه‌رگه له‌به‌رامبه‌ر یانه‌كانی مه‌لیك و القیساره یاری كرد .
له جه‌وله‌ی 11 دا شه‌تڕه‌نج زانه پێشمه‌رگه‌كان به ئه‌نجامی 3,5 به‌رامبه‌ر به 2,5 سه‌ركه‌وتنیان له‌به‌رامبه‌ر یانه‌ی مه‌لیك به‌ده‌ست هێنا و هه‌روه‌ك له جه‌وله‌ی 12 ی یارییه‌كان یانه‌ی القیساره یان توشی شكست كرد دوای ئه‌وه‌ی به ئه‌نجامی 5 - 1 براوه بوون .
ئه‌مه‌و به‌و سه‌ركه‌وتنانه‌شیان تیمه‌كه‌ی پێشمه‌رگه توانیان كۆی خاڵه‌كانیان بكه‌نه 20 خاڵ و له پله‌ی سێهه‌می ڕیزبه‌ندی له نێو چوارده یانه مانه‌وه .