پێشمه‌رگه‌ سپۆرت - میران محه‌مه‌د

یه‌كێتی‌ موایتایی‌ عێراق له‌ شاری‌ به‌غداد پاڵه‌وانێتی‌ عێراقی‌ به‌ به‌شداری‌ 37 یانه‌ ئه‌نجام دا .

تیمی‌ موایتایی‌ یانه‌ی‌ پێشمه‌رگه‌ به‌شدار له‌و پاڵه‌وانێتیه‌دا و دوای‌ ڕكابه‌رییه‌ به‌هێزه‌كان توانی‌ به‌ ئاستێكی‌ به‌رز ببینرێت و دوای‌ به‌ده‌ست هێنانی‌ دوو پله‌ی‌ یه‌كه‌م و سێ‌ پله‌ی‌ دووه‌م و سێ‌ پله‌ی‌ سێهه‌م له‌سه‌ر ئاستی‌ تیم جامی‌ سێهه‌می‌ به‌ده‌ست هێنا .

سه‌باره‌ت به‌و ئه‌نجامه‌یان به‌رهه‌م محه‌مه‌د ڕاهێنه‌ری‌ تیمی‌ موایتایی‌ یانه‌ی‌ پێشمه‌رگه‌ بۆ پێشمه‌رگه‌ سپۆرت ووتی‌ ، تیمه‌كه‌مان له‌سه‌ر ئاستی‌ پێشكه‌وتوان ئه‌نجامی‌ به‌رچاوی‌ هه‌بوو دوای‌ ئه‌وه‌ی‌ له‌ نێو 37 یانه‌ و به‌به‌شداری‌ ده‌یان یاریزانی‌ ئاست به‌رز توانیمان جامی‌ سێهه‌م به‌ده‌ست بهێنین ، هه‌روه‌ك به‌رهه‌م ئاماژه‌ی‌ پێكرد كه‌ یانه‌ی‌ پێشمه‌رگه‌ هه‌میشه‌ ڕكابه‌ر بوون و توانیویانه‌ له‌ تیمه‌كانی‌ پێشه‌نگ بن له‌ پاڵه‌وانێتیه‌كاندا و خۆش به‌ختانه‌ش له‌م وه‌رزه‌دا یه‌كه‌م ئه‌نجامان بۆ یانه‌كه‌مان و شاری‌ سلێمانی‌ گه‌ڕانده‌وه‌ .