پێشمه‌رگه سپۆرت - میران محه‌مه‌د
یانه‌ی ئه‌هلی قه‌ته‌ڕی له شاری دۆحه‌ی پایته‌ختی ولاَته‌كه‌ی دووه‌مین پاڵه‌وانێتی گۆۆڕه‌پان و مه‌یدانی یانه‌كانی ولاَتانی ڕۆژ ئاوای ئاسیا ئه‌نجام ده‌دات .
بڕیاره له ڕۆژانی 7 بۆ 10 ی نیسانی 2025 و له شاری دۆحه ، پاڵه‌وانێتی گۆڕه‌پان و مه‌یدانی یانه‌كانی ولاَتانی ڕۆژ ئاوای ئاسیا به‌ڕێوه بچێت و له‌و پاڵه‌وانێتیه‌دا و بۆ یه‌كه‌م جار له مێژووی وه‌رزشی تیمه‌كه‌ی ، یانه‌ی پێشمه‌رگه به‌شداری ده‌كه‌ن .
سه‌باره‌ت به به‌شداریان له‌و پاڵه‌وانێتیه ، نزار ئه‌كره‌م ، سه‌رپه‌رشتیاری گشتی تیمی گۆڕه‌پان و مه‌یدانی یانه‌ی پێشمه‌رگه بۆ پێشمه‌رگه سپۆرت دواو ووتی ، تیمه‌كه‌مان له دوای سه‌ركه‌وتنه یه‌ك له دوای یه‌كه‌كانی پاڵه‌وانێتیه‌كانی وه‌رزی ڕابردوو به‌ده‌ست هێنانی قه‌ڵغانی سه‌ركه‌وتنه‌كان له‌لایه‌ن یه‌كێتی گۆڕه‌پان و مه‌یدانی عێراق توانیمان بگه‌ینه خه‌ونێكی له مێژینه‌مان كه به‌شداریمان ده‌بێت له به‌هێزترین پاڵه‌وانێتی كه له‌یه‌ن یه‌كێتی گۆڕه‌پان و مه‌یدانی ئاسیا و جیهانی باوه‌ڕ پێكراوه ، هه‌روه‌ك ناوبراو ئاماژه‌ی پێكرد كه به سوپاسه‌وه به‌ڕێز قوباد تاڵه‌بانی وه‌ك پاڵپشتی سه‌ره‌كیمان له ڕووی داراییه‌وه توانیمان به‌شداری له‌م پاڵه‌وانێتیه بكه‌ین و ئاماده‌كاری ته‌واوی بۆ بكه‌ین تا پێشمه‌رگه ئاسا سه‌ركه‌وتنه‌كان به‌ده‌ست بهێنین .
نزار ووتیشی له‌گه‌ڵ سوپاس و پێزانینمان بۆ به‌ڕێز ، شێخ جه‌عفه‌ر شێخ مسته‌فا سه‌رۆكی یانه‌كه‌مان كه به هه‌مان شێوه پاڵپشتی داریمان بووه .
سه‌باره‌ت به ئاماده‌كاریان و به‌شداری یاریزانانیان سه‌رپه‌رشتیاری تیمی گۆڕه‌پان و مه‌یدانی یانه‌ی پێشمه‌رگه ووتی ، به نۆ كیژه یاریزان به‌شدار ده‌بین كه به‌م شێوه‌یه پۆلێنمان بۆ كردوون .
كیژه یاریزانان :
چاوان به‌هادین - یاری یه‌ك باز و سێ و باز .
نه‌ورۆز ئه‌حمه‌د - یاری یه‌ك باز و سی باز .
به‌هار ئه‌حمه‌د - یاری حه‌وت ( سباعی ) و هه‌ڵدانی ڕم .
كوردستان به‌مۆ جه‌مال - یاری 100 مه‌تر به‌ربه‌ست و 400 به‌ربه‌ست .
دییه نزار - یاری 400 مه‌تر و 200 مه‌تر .
ئافاق فایه‌ق - یاری هه‌ڵدانی دێسك و هه‌ڵدانی قورساسی .
به‌نین ئه‌حمه‌د - یاری هه‌ڵدانی قورسای و هه‌ڵدانی ڕم .
ڕه‌نین ئه‌حمه‌د - یاری بازی به‌رز و حه‌وتی ( سباعی ) .
كه‌ژان ید الله - یاری 400 مه‌تر به‌ربه‌ست .
دواجار نزار ئه‌كره‌م ئاماژه‌ی به‌وه‌شدا كه 22 یانه به‌شداری له‌م پاڵه‌وانێتیه ده‌كه‌ن كه باشترین یاریزانانیان بانگێشت كردووه و ده‌یانه‌وێت زۆرترین میدالیاكان به‌ده‌ست بهێنن .