پێشمه‌رگه سپۆرت - میران محه‌مه‌د
ئێواره‌ی ڕۆژی چوار شه‌ممه 14 ی ئابی 2024 و له نێو باره‌گه‌ی سه‌ره‌كی یانه‌ی وه‌رزشی پێشمه‌رگه و به ئاماده‌بوونی هه‌ریه‌ك له به‌ڕێزان ، حاكم مه‌حمود ئه‌حمه‌د موراد جێگری سه‌رۆكی یانه و وسام محه‌مه‌د بازگ ئه‌ندامی ده‌سته‌ی كارگێڕی و سه‌رپه‌رشتیاری تیمه‌كانی تۆپی پێی یانه‌ی پێشمه‌رگه له كۆنگره‌یه‌كی ڕۆژنامه‌نوسی دا ڕێباز سدیق ڕاهێنه‌ر و ستافی ده‌سته‌ی ڕاهێنه‌ران به میدیاكان ناسێنران .
سه‌ره‌تایی ئه‌و گۆنگره ڕۆژنامه‌نوسییه جێگری سه‌رۆكی یانه‌ی پێشمه‌رگه باسێكی له ئه‌نجامی وه‌رزی ڕابردووی تیمه‌كه‌یان كردوو ڕایگه‌یاند كه له‌م وه‌رزه‌دا جیاواز ئاماده‌كاری ده‌كه‌ن و ده‌ست پێكی ئه‌و ئاماده‌كاریانه‌شیان ئه‌نجام دانی گرێبه‌ستیان بووه له‌گه‌ڵ كوڕانی یانه‌كه‌یان كه مێوویه‌كی زێڕینیان هه‌یه .
هه‌روه‌ك ووتیشی به توانای ڕاهێنه‌رانی كوردستان و به تایبه‌ت ئه‌و ستافه‌ی كه له‌م وه‌رزه سه‌ركردایه‌تی تیمه‌كه‌مان ده‌كه‌ن ده‌مانه‌وێت بگه‌ینه‌وه خولی ئه‌ستێره‌كان و هه‌ربۆیه وه‌ك ده‌سته‌ی كارگێڕی یانه پاڵپشتیان ده‌بین .
پاشان گرێبه‌ستی ڕاهێنه‌ر ڕێباز سدیق واژۆ كرا و دواتر ڕاهێنه‌ری ناوبراو خۆش حاڵی خۆی پیشان دا كه یانه‌كه‌ی ، یانه‌ی وه‌رزشی پێشمه‌رگه ئه‌و متمانه‌یه‌یان پێبه‌خشیوه و هیوایی خواست له ئاست ئه‌و متمانه‌یه بن و بتوانن پشت به خوای گه‌وره بگه‌نه‌وه خولی ئه‌ستێره‌كانی عێراق بۆ وه‌رزی داهاتوو .
له كۆتایشدا به پرسیاری ڕۆژنامه‌نوسانی وه‌رزشی و وێنه‌گرتنی ستافی مه‌شقی نوێ و سه‌رپه‌رشتیاریه‌كه‌یان كۆتایی به‌و كۆنگره ڕۆژنامه‌وانیه هات .
ستافی تیمی تۆپی پێی یانه‌ی وه‌رزشی پێشمه‌رگه :
وسام محمد - سەرپەرشتیار
ڕێباز سدیق - راهێنەر
ئەرسەلان جەلال - یاریدەدەری ڕاهێنەر
عودەی عبدالخالق - یاریدەدەری ڕاهێنەر
ڕاستگۆ سعید - ڕاهێنەری گۆڵپارێز