شاری سلێمانی ساڵانێکە جێگەی پێگەیاندنی چەندین یاریزانی بەتوانا بووە لە ئاستی کچان کە یانەکانی دەرەوەی شارەکە سوودیان لە تواناکانی رۆڵەکانی ئەم شارە وەرگرتووە. یەکێک لە یاریزانە بەتواناکانی ئەم شارە کچە یاریزانی تیپی فوتساڵی ئەفرۆدێت بێریڤان جەلال-ـە، لەم وەرزە لە خولی فوتساڵی یانەکانی کوردستان رۆڵی کارای بینی لە بەدەستھێنانی پلەی دووەمی خولەکە و توانیویەتی لەگەڵ یانەکەی ئاستێکی بەرز پێشکەش بکات. 

بێریڤان لەدایکبووی ساڵی ١٩٩٥ی شاری سلێمانییە و قوتابی کۆلێژی پەروەردەی وەرزشییە لە زانکۆی ھەڵەبجەی شەھید، پێشووتریش لەگەڵ یانەی ئەفرۆدیت چەندین ئەنجامی شایستەی بەدەستھێناوە، ئێمەش لە نزیکەوە چەند پرسیارێکمان ئاراستەی کرد، ئەویش بەمجۆرە وەڵامی پرسیارەکانی  دایەوە.

- بە بەراورد لەگەڵ ساڵانی رابڕدوو لە ئێستادا ئاستی یاری فوتستاڵ پێشکەوتنی زیاتری بەخۆیەوە بینیوە، واتە ئاستی تیپەکان بەرەوپێش چووە و خۆلمان بۆ دەکرێتەوە، ئەمش دەبێتە ھۆکار بۆ بەرزبوونەوەی ئاستمان.

-بێگومان نەبوونی پاڵەوانێتی ھۆکارێکی سەرەکییە بۆ دابەزاندنی ئاستی تیپەکان، چونکە لە کوردستان ھەتا دڵنیا نەبن لە کردنەوەی پاڵەوانێتی تیپەکان، راھێنانی باش ئەنجام نادەن، ئەمەش دەبێتە ھۆکار بۆ ئەوەی ئەم یارییە بەرەو پێش نەچێت و ئاستەکەی لە شوێنی خۆی بمێنێتەوە.

- پێویستە قوتابخانەیەک بکرێتەوە بۆ پێگەیاندنی یاریزان لە تەمەنی منداڵییەوە لەلایەن کەسانی ئەکادیمییەوە، جگە لەمەش کردنەوەی پاڵەوانێتی زیاتر بۆ تیپەکان زۆر گرنگە و ئەمەش ھۆکارە بۆ ئەوەی ئاستی یاریزانان و یارییەکە بەرز ببێتەوە.

-نەبوونی یاریگای پێویست و کەمی گرنگیدان بە یاریزانانی کچ ئەوانە ھەمووی گرفتە بۆ یاری فوتساڵ و بەتایبەتی بۆ کچان.

-تاکو ئێستا ھیچ گرێبەستێکم بۆ نەھاتووە.

-ئاواتخەوازم لە داھاتوودا ببم بە راھێنەر، لەم رێگایەشەوە خزمەت بە وەرزشکارانی کوردستان و وەرزشی کوردستان بکەم.

- بەھیچ شێوەیەک لەگەڵ ئەوە نیم، چونکە ئێمە ھەم لە رووی راھێنەرەوە، ھەم لە رووی یاریزانانیشەوە خاوەن توانایەکی زۆر باشین، بۆیە پشت ببەستین بە خۆمان باشترە وەکو لە یاریزانانی بیانی.

-ئێمە خانەوادەیەکی وەرزشیین و حەزمان بە وەرزشە و برا گەورەکەشم یاریزانە.

-بەھیوای ئەوەم بەرپرسان زیاتر گرنگی بە وەرزشی کچان بدەن و پاڵەوانێتیەکان لە کاتی خۆیدا بکەنەوە بۆ ئەوەی ئاستی وەرزشی کوردستان لە پێشڤەچووندا بێت و قۆناغی باش ببڕێت.

-دوای ئەوەی من لەم یارییە ئاستم باش بوو مامۆستایەکم توانا و ئاستی منی پێ باش بوو بۆیە منی گەیاندە یانەی ئەفرۆدێت، ئێستاش لەم یانەیە درێژە بە کاروانی وەرزشیم دەدەم.

-نەک ھەر خەونی من، بەڵکو خەونی ھەموو یاریزانێک ئەوەیە کە باشترین یاریزان بێت لەم یارییەی کە ھەڵیبژاردوە و سەرکەوتن بەدەست بھێنێت.

- بەلێ داواکراوم بە ھیوای ئەوەم بتوانم ئەنجامی شایستە پێشکەش بکەم، ببمە جێگای متمانەی دەستەی راھێنەران، بڕیاریشە لەم مانگە لە وڵاتی مالیزیا بەشداری خولێک بکەین لەسەر ئاستی ئاسیا.

-بەرەوپێشچوونی ئەم یارییە لە کوردستان و بەدەستھێنانی ئەنجامێکی باش لەسەر ئاستی وڵاتانی دەرەوە ئاواتی منە.

-لە ئاستی کچان بە کچە یاریزانی ئەمریکی کریگیر و لە ئاستی کوڕانیش بە کریستیانۆ رۆناڵدۆ.