به‌رزی په‌ستانی خوێن یه‌كێكه‌ له‌و گرفته‌ ته‌ندروستیانه‌ی‌ مرۆڤ به‌ره‌و حاڵه‌تی مه‌ترسیدارتر ده‌بات وه‌ك جه‌ڵده‌ی‌ دڵ و مێشك، به‌ سوود وه‌رگرتن له‌ ده‌رمانی تایبه‌ت و ته‌واوكاری خۆراكی و ڕێكسختنی خۆراك و سیستمی ژیان ده‌كرێت مه‌ترسی به‌رزی په‌ستانی خوێن كه‌مبكرێته‌وه‌.

1- ڤیتامینC: به‌گوێره‌ی‌ داتایNHS ئه‌م ڤیتامینه‌ ده‌بێته‌ هۆی

-پاراستنی سه‌لامه‌تی خانه‌كانی جه‌سته‌ی‌ مرۆڤ

- پاراستنی ته‌ندروستی پێست و ملوله‌كانی خوێن و ئێسك و جومگه‌كان

- یارمه‌تی زوو چاكبوونه‌وه‌ی‌ برین ده‌دات

به‌ڵام ئه‌نجامی توێژینه‌وه‌یه‌كی ئه‌مه‌ریكی تایبه‌ت به‌خۆراك بڵاویكردۆته‌وه‌ تیایدا هاتووه‌" خواردنی ته‌واوكاری خۆراكی ڤیتامین سی بۆ ماوه‌یه‌كی كورت یارمه‌تی دابه‌زینی به‌رزه‌ په‌ستانی خوێن ده‌دات"

2- زه‌رده‌چه‌وه‌:

یه‌كێك له‌و به‌هاراتانه‌ی‌ به‌شێوه‌یه‌كی بڵاو له‌ زۆرینه‌ی‌ وڵاته‌كان به‌تایبه‌ت وڵاته‌ ڕۆژهه‌ڵاتیه‌كان به‌كارده‌هێندرێت" زه‌رده‌چه‌وه‌"یه‌ ئه‌م به‌هاراته‌ وه‌ك دژه‌ هه‌وكردن كارده‌كات له‌ جه‌سته‌دا، ئه‌نجامی توێژینه‌وه‌یه‌ك كه‌ له‌سه‌ر 11 توێژینه‌وه‌ی‌ پێشتر كراوه‌ و له‌ گۆڤاری  Pharmacological Research بڵاوكراوه‌ته‌وه‌ تیایدا هاتووه‌ زه‌رده‌چه‌وه‌ یارمه‌تی دابه‌زینی په‌ستانی خوێن ده‌دات.

3- زینك:

به‌ كانزایه‌كی ده‌گمه‌ن وه‌سف ده‌كرێت، جه‌سته‌ بڕێكی كه‌می پێویسته‌ به‌ڵام یارمه‌تی دابه‌زاندنی به‌رزه‌ په‌ستانی خوێن ده‌دات.