ته‌ندروستی -
ڤاریز یاخود دەوالی بریتییە لە گەورەبون و ئاوسانی بۆری خوێنهێنەرەکان کە زیاتر لە پەلەکانی خوارەوەدا دروست دەبێت، دکتۆر ئارام پسپۆڕی نەشتەرگەری دڵ و سنگ و بۆرییەکانی خوێن له‌م بابه‌ته‌دا 10 هۆکار باسده‌كات كه ئەگەری توشبون بە دەوالی زیاتر دەکەن.
1-تەمەن: ئەو کەسانەی دەگەنە سەروو50 ساڵی زیاتر توشی دەوالی دەبن.
2-ڕەگەز: خانمان زیاتر توشی دەوالی دەبن بەهۆی گۆڕانی هۆرمۆنەکانەوە.
3-دووگیانی: خانمنای دووگیان ئەگەری توشبون بە دەوالیان زیاد دەکات چونکە بڕی ئاوی جەستەیان زیاد دەکات و گۆڕانکاری لە هۆرمۆندا ڕوودەدات.
4-مێژووی نەخۆشییەکە لە خێزاندا: سەرنج دراوە ئەو خێزانانەی دەوالی تیایاندا زۆرە چەند ئەندامیكیان توش دەبن بە دەوالی کەوایە هۆکاری بۆماوەیی ڕۆڵی هەیە.
5-قەڵەوی: زیادبونی کێش واتە زیادبونی نەخۆشی و کەناویاندا دەوالی.
6-زۆربەپێوە وەستان : ئەو کەسانەی ئیشەکەیان بەجۆرێکە زیاتر بەپێوەن ئەگەری توشبونیان بە دەوالی زیاد دەکات
7-نەبون یان کەمی جوڵە: ئەو کەسانەی کە زیاتر دادەنیشن یان لەسەر جێگەن ئەوا سوڕی خوێنیان لاواز دەبێت بەمەش ئەگەری دروستبونی دەوالی زیاد دەکات.
8-مەیینی خوێن لە خوێنهێنەرە قوڵەکاندا لە ڕابوردا:ئەمە زیان دەدات لە زمانەی ناو خوێنهێنەرەکان.
9-گۆڕانی هۆرمۆنی :حەبی دژەسکپڕی یان هۆرمۆنی جێگرەوە مەترسی دەوالی زیاد دەکات.
10-قەبزی بەردەوام : قەبزی پەستان دروست دەکات و بەمەش پەستانی ناوسک زیاد دەکات بەمەش ئەگەری دروستبونی دەوالی دروست دەبێت.