ته‌ندروستی -
ئێستا وەکو هەموو ساڵێک لە سلێمانی ئه‌م په‌تایه بڵاوە، دكتۆر زانیار پزیشكی نه‌خۆشییه‌كانی هه‌ناوی له‌م بابه‌ته‌دا نیشانه و چۆنیه‌تی خۆپاراستن له‌م نه‌خۆشییه ده‌خاته ڕوو.
نیشانەکان:
-سەرەتا قورگ ئێشە
-لەش داهێزران
-لەرز و تا
-ووشک بوونەوە کۆکە و سەرئێشە
دەرهاویشتەکان:
لە گەنج و لەش ساغ زۆربەی کات هیچ دەرهاویشتەی نییە، بەڵام نەخۆشییە کۆنەکانت زیندوو دەکاتەوە وەکو شەقیقە، کۆڵۆن و ئاڵۆشی قورگ و لووت.
لە پیری پەک کەوتە و لەوانەدا کە نەخۆشیی درێژخایەنیان هەیە، مەترسیدارە، دەبێتە هەوکردنی سییەکان و ووروژاندنی نەخۆشییە درێژخایەنەکە.
یەکەم هۆکاری پەککەوتنی لە پڕی نەخۆشی شەکرە و سستی دڵ و پەک کەوتنی سییەکان نەخۆشییە درێژ خایەنەکە نییە بەڵکو زۆربەی کات پەتای ئینفلوێنزایە!
خۆپاراستن:
کە تووش بوویت خۆت قفل بکە لە ماڵەوە، تکایە کەس تووش مەکە بە خۆتەوە، هەروەکو کۆرۆنا دەست و پلی پاک و دەست گرتن بە دەم و لووتەوە لە کاتی کۆکە ماسک کردن.
کوتان:
زۆر گرنگە، دەبوو لە مانگی ۱٠ ئەو کەسانە خۆیان بکوتایە، من لەم پەیجەوە هەر ئەوکات بانگەوازم بۆ کرد.
چارەسەر:
گەنج و لەش ساغ: پشوودان و پاراستۆل و شلەمەنی، پیر و پەک کەوتە و خاوەن نەخۆشیی درێژ خایەن: دەست بە جێ سەرانی پزیشک بکات بە هیچ شێوەیەک لەغەیری پزیشک چارەسەر وەرنەگریت.