مل 7 بڕبڕە (فەقەرە)ی تێدایە، لە پشت هەر بڕبڕەیەکی مل ئەو دەمارانە هەیە کە بەرپرسن لە هەستکردن و جوڵە لە دەست و قۆڵەکاندا، تووشبوون بە فەقەراتی مل دەبێتە هۆی هەستکردن بە سڕبوون لە شان یان یەک قۆڵ و پەنجەکان، لاوازی قۆڵ یان دەست، سەرئێشە و ڕەقبوونی مل، دكتۆر عه‌لی پزیشکی پسپۆری نەشتەرگەری مێشک و فەقەرات و دەمار له‌م بابه‌ته‌دا باوترین هۆكاره‌كانی توشبوون به‌م نه‌خۆشییه‌ی‌ خستۆته‌ ڕوو.

 

فەقەراتی مل دەتوانێت هۆکاری جۆراوجۆری هەبێت، لەوانە:

1-گۆڕانکاریی تەمەن: بە تێپەڕبوونی کات شیبوونەوە و کلس لەسەر فەقراتی مل، دەبێتە هۆی هەوکردنی جومگەکان و شانەکانی دەوروبەری و داخورانیان.

2-زەبر یان برینداربوون: کەوتن، یان برینداربوونی وەرزشی دەبێتە هۆی تێکچوونی فەقەراتی بڕبڕەی پشت و دیسکەکان

3-هۆکاری بۆماوەیی

4-هەوکردن: هەوکردنەکانی وەک هەوکردنی پەردەی مێشک، چەوری بڕبڕەی پشت، یان هەوکردنی دیسک دەبێتە هۆی هەوکردنی فەقەراتی مل.

5-هەڵگرتنی کێشی قورس

6-حاڵەتەکانی بەرگری خۆکار: حاڵەتەکانی وەک هەوکردنی جومگەکانی ڕۆماتیزم کە سیستەمی بەرگری لەش هێرش دەکاتە سەر شانەکانی لەش، دەبێتە هۆی هەوکردن لە فەقەراتی مل.

7-قەڵەوی

8-بۆ ماوەیەکی زۆر خراپی دۆخی جەستە، وەک دانیشتن بە شێوازی هەڵە دەبێتە هۆی گرژبوونی ماسولکە و بەستەرەکانی مل و دەبێتە هۆی ئینزلاقی فەقەراتی مل.

9-جگەرەکێشان

كێشانی‌ جگه‌ره‌ هۆكاره‌ بۆ توشبوونی‌ فه‌قه‌راتی‌ مل ئه‌وه‌ش به‌هۆی‌ هه‌ڵمژینی‌ ئه‌و دوكه‌ڵه‌ی‌ له‌ جگه‌ره‌كه‌ دروست ده‌بێت و كه‌سی‌ به‌ كارهێنه‌ر فشار دروست ده‌كات تا ئه‌و جگه‌ره‌یه‌ نه‌فه‌س بدات ئه‌وه‌ش هۆكاره‌ بۆ توش بوون به‌ فه‌قه‌راتی‌ مل .