پێشمهرگه سپۆرت -
بەرشەلۆنە بەنیازە پاداشتی یاریزانە لاوەکەی لامین یامال بداتەوە کە لەم وەرزەدا ئاستێکی بەرزی پێشکەش کردووە
ڕۆژنامەی "سپۆرت" بڵاویکردەوە، ڕێککەوتنێکی تەواو لە نێوان بارسێلۆنا و بریکارەکانی یەمالدا هەیە سەبارەت بە نوێکردنەوەی یانەکە، تەنها ئەوەی دەمێنێتەوە واژۆکردنی فەرمییە لە چەند ڕۆژی داهاتوودا.
ئاماژەی بەوەشکرد، خۆرخی مێندێز، بریکاری لامین یامال، لەگەڵ خوان لاپۆرتا، سەرۆکی یانەی بەرشەلۆنە کۆدەبێتەوە بۆ ئەوەی لە زووترین کاتدا هەواڵی نوێکردنەوەی گرێبەستەکە بە فەرمی ڕابگەیەنێت.
ڕۆژنامەکە ڕوونیشیکردووەتەوە، یامال تا ساڵی 2026 گرێبەستێک واژۆ دەکات، چونکە یاساکان ڕێگری لە یاریزانێکی تەمەن 16 ساڵ دەکەن گرێبەستێک واژۆ بکات کە لە سێ وەرز زیاتر بێت.
لامین یامال بچووکترین یاریزانە لە مێژووی یانەی بەرشەلۆنەدا درێسی تیپی یەکەم بپۆشێت، هەروەها بووە بچووکترین یاریزان کە نوێنەرایەتی هەڵبژاردەی ئیسپانیا بکات لە مێژوودا.