پێشمه‌رگه سپۆرت - میران محه‌مه‌د
یه‌كێتی باله‌ی عه‌ره‌بی بڕیاری دا پاڵه‌وانێتی باله‌ی یانه‌كانی ولاَتانی عه‌ره‌بی بۆ كوڕان له مانگی 2 ی ساڵی 2024 و له ولاَتی ئه‌رده‌ن ئه‌نجام بدات .
سه‌باره‌ت به ئه‌نجام دانی ئه‌و پاڵه‌وانێتیه یه‌كێتی باله‌ی عه‌ره‌بی ئه‌وه‌ی ئاشكرا كردووه كه میوانداری پاڵه‌وانێتی باله‌ی یانه‌كانی ولاَتانی عه‌ره‌بی ده‌به‌خشنه ولاَتی ئه‌رده‌ن و له ئێستاشه‌وه ئاماده‌كارییه‌كان بۆ ئه‌و پاڵه‌وانێتیه ده‌ست پێكردووه .
ئه‌مه‌و یه‌كێتیه عه‌ره‌بییه‌كه نوسراوی فه‌رمی ئاراسته‌ی یه‌كێتی باله‌ی ولاَتانی سه‌ر به‌ر یه‌كێتیه‌كه‌ی كردووه له ئاماده‌كاریی یانه‌كانیان بۆ به‌شداری له پاڵه‌وانێتیه‌كه و ئاراسته‌كردنی نوسراوی فه‌رمی .
پاڵه‌وانێتی باله‌ی ولاَتانی عه‌ره‌بی بۆ ساڵی 2023 له ولاَتی مصر و له هۆڵی ستاد القاهره الدولیه به‌ڕێوه چوو كه تێیداو له یاری كۆتایی یانه‌ی ئه‌هلی مصری توانی به ئه‌نجامی سێ سێتی یه‌كلایه‌نه له یانه‌ی نصری به‌حرێنی بباته‌وه و به‌و ئه‌نجامه‌ش یانه مصریه‌كه بووه خاوه‌ن 8 نازناوی پاڵه‌وانێتی باله‌ی ولاَتانی عه‌ره‌بی .
جێگه‌ی باسه یه‌كێتی باله‌ی عه‌ره‌بی له ساڵی 1975 دروست بووه و تا ساڵی 2023 41 پاڵه‌وانێتی بۆ یانه‌كانی ولاَتانی سه‌ر به یه‌كێتیه‌كه‌ی ئه‌نجام داوه .