پێشمه‌رگه سپۆرت -
ڤینیسیۆس جۆنیۆر بە باشترین یاریزانی جیهان دیاریکرا و رۆناڵدۆ خەڵاتی باشترین یاریزانی رۆژهەڵاتی ناوەڕاست و گۆڵکاری مێژووی تۆپی پێی پێدرا و ڕیاڵ مەدریدیش بە باشترین یانە دیاری کرا .
15ـیەمین مەراسیمی دابەشکردنی خەڵاتەکانی گلۆب سۆکەر لە ئاهەنگێکی شایستەدا و بە ئامادەبوونی چەندین ئەستێرەی تۆپی پێ بۆ دیاریکردنی باشترینەکانی 2024 لە دوبەی بەڕێوەچوو .
ڤینیسیۆس جونیۆر ئەستێرەی ڕیاڵ مەدرید وەک باشترین یاریزانی جیهان خەڵاتەکەی بەدەستهێنا و کریستیانۆ رۆناڵدۆ بە باشترین یاریزان لەسەر ئاستی رۆژهەڵاتی ناوەڕاست دیاریکرا، ئەمە جەگە لەوەی ڤینی وەک باشترین هێڕشبەریش دیاریکرا .
لە لایەکی ترەوە یانەی ریاڵ مەدرید وەک باشترین یانەی جیهان هەڵبژێردرا و فلۆرێنتینۆ پێرێز وەک باشترین سەرۆک یانە دیاریکرا و کارلۆ ئەنچیلۆتی بە باشترین ڕاهێنەر دیاری کرا
دواتریش لامین یامال بە باشترین یاریزانی لاو هەڵبژێردرا و خۆرخێ میندێزیش وەک باشترین بریکاری یاریزان خەڵاتەکەی بە دەستهێنا .