پێشمه‌رگه سپۆرت -
چاڤی هێرناندزی راهێنەری پێشووی بەرشەلۆنە ڕاهێنەرایەتی یانەی مۆنتێری مەکسیکی ڕەتکردۆتەوە.
ڕۆژنامەی سپۆرتی کەتەلۆنی ئاشکرای کرد، چاڤی هێرناندێزی ڕاهێنەری پێشووی یانەی بەرشەلۆنە هەلی بەشداریکردنی لە مۆندیالی یانەکانی 2025 ڕەتکردەوە.
بەگوێرەی ڕاپۆرتەکە، چاڤی گرنگییەکی بەرچاوی لە یانەی مۆنتێری هەبووە، کە سێرجیۆ ڕامۆسی کاپتنی پێشووی یانەی ڕیال مەدرید یاری بۆ دەکات
یانەی مۆنتەری لە ئێستاوە بەشداری لە مۆندیالی یانەکاندا دەکات بەڵام بەهۆی ئاستە خراپەکەیەوە هەوڵدەدات دەستبەرداری ڕاهێنەری ئێستای مارتن دیمیچێلیس بێت.
بەڵام لە ڕاپۆرتەکەدا پشتڕاستی کردووەتەوە کە چاڤی ڕەتیکردۆتەوە ڕاهێنەرایەتی مۆنتەری بکات، سەرەڕای بەشداریکردنیان لە مۆندیالدا، ئەوەش بەهۆی خواستی مانەوەی لە ئەوروپا و گەڕان بە دوای تیپێکی بەهێز لە کیشوەرەکەدا.