پێشمه‌رگه سپۆرت -
وادەی گەڕانەوەی دانی کارڤاخاڵی ئیسپانی و بەرگریکاری یانەی ریاڵ مەدرید بۆ یاریگاکان ئاشکرا دەبێت
تۆڕی رێلێڤۆ ئاشکرای کردووە چاکبوونەوەی کارڤاخال زۆر بەرەوپێش چووە، سەرەتا پێشبینی دەکرا دوای 10 مانگ بگەڕێتەوە بەڵام یاریزانەکە ئامانجییەتی لەو وادەیە زووتر بگەڕێتەوە و بە ئەگەرێکی زۆر بۆ جامی جیهانی یانەکان لە هاوینی داهاتوو ئامادە دەبێت.
ریلیڤیۆ باس لەوەش دەکات چاکبوونەوەی کارڤاخال لە قۆناخێکی هێندە باشدایە تانانەت یاریزانەکە دەیەوێت دوای دوو مانگی دیکە بۆ یاریکردن بگەڕێتەوە، بەڵام پزیشکەکانی مەدرید هەوڵدەدەن ئەو گڕوتینەی دابمرکێننەوە و مەترسی لەسەر دروست نەکەن.
لە کۆتایشدا تۆرەکە دەڵێت ئەگەرێکی زۆر پزیشکەکان رووناکی سەوزی بۆ هەڵدەکەن بۆ ئەوەی بەشداریی جامی جیهانی یانەکان بکات کە پاڵەوانێتییەکە لە مانگی حوزەیرانی 2025 لە ئەمریکا بەڕێوەدەچێت.