پێشمهرگه سپۆرت - میران محهمهد
له شاری ههولێر و له نێو هۆڵی داخراوی یانهی ئهكاد دوا جهولهی یارییهكانی پاڵهوانێتی باسكهی كچانی یانهكانی عێراق بهڕێوه چوون .
له یاری لوتكهی پاڵهوانێتیهكه كچانی یانهی غاز شیمال ڕوبهڕوی كچانی یانهی ئهكادی خاوهن هۆڵ بونهوه و لهو یارییهدا و دوای ڕكابهریهكی بههێز سهرئهنجام یانهی غاز شیمال توانیان به جیاوازی تهنیا 2 خاڵ و به ئهنجامی 54 - 56 خاڵ سهركهوتن بهدهست بهێنن و بهو ئهنجامهش كچانی غاز شیمالی شاری كهركوك توانیان نازناوی پاڵهوانێتیهكه بهدهست بهێنن .
ئهمهو كچانی یانهی سایبێس-یش به بردنهوهیان له كچانی یانهی دهربهندیخان پلهی دووهمی پاڵهوانێتیهكهیان بهدهست هێنا و سهنحاریبی دهۆكیش سێههم و پلهكانی چوارهم و پێنجهم و شهشهم بۆ یانهكانی ئهكاد ، ئافرۆدهیت و دهربهندیخان بوو .
سهبارهت به كۆتاهاتنی پاڵهوانێتیهكه و ئهنجامهكانی بیلال مهولود ئهندام له یهكێتی ناوهندی باسكهی عێراق به پێشمهرگه سپۆرتی ڕاگهیاندوو ووتی ، ئهم پاڵهوانێتیه بهبهشداری 6 یانه بهڕێوه چوو كه یارییهكانی به شێوهی خول و به یهك قۆناغ بوو ، ههروهك ووتیشی ئاست بهرزی تیمهكان سهرسوڕهێنهر بوو ئهوهش له دوای سالاَنێكی زۆر كه له ئێستادا یاری باسكهی كچان ڕۆح كراوهتهوه به بهریدا و بههێز و بههێزتر بووه و پیشهگهرانی بهشداری پاڵهوانێتیهكهش شاهیدی ئهوهیان دا كه تیمهكان زۆر ئاست بهرزوو بههێزن .
ناوبراو ئاماژهی بهوهشكرد كه بۆ ساڵی داهاتوو ئهم چواریانهیهی خاوهن پلهكانی یهكهم تا چوارهمن دهتوانن له ههرپاڵهوانێتیهكی عهرهبی و ئاسیاوی بهشداری بكهن وه لهم ساڵیش ههریهك له یانهكانی غاز شیمال و سهنحاریب له بهرواری 4 ی ئهیلولی مانگی داهاتوو له ولاَتی مهغریب بهشداری له پاڵهوانێتی یانهكانی عهرهبی دهكهن كه یانهی غازی شیمال به دوو یاریزانی پیشهگهری به ڕهگهز ئهمریكی پێكهاتهكهی بههێزتر كردووه و بۆ ئهنجام دهچێته نێو ئهو كێبڕكێیه .
سهبارهت به یانهی سهنحاریبی شاری دهۆك بیلال ئاماژهی بهوهكرد كه بهشداری پاڵهوانێتیهكه دهكهن و له ئێستاشدا سهرقاڵی ئامادهكارین بۆ ئهو پاڵهوانێتیه بههێزه .