پێشمهرگه سپۆرت - میران محهمهد
تیروپشکی پاڵەوانێتی یانەکانی کەنداو لە کۆتایی مانگی داهاتوو ئەنجام دەدرێت .
جاسم ئەلرومەیحی ئەمینداری گشتی فیدراسیۆنی جامی کەنداوی عەرەبی ڕایگەیاند، تیروپشکی پێشبڕکێکانی پاڵەوانێتی یانەکانی کەنداو لە کۆتایی مانگی ئابی داهاتوو لە بارەگای فیدراسیۆنەکە لە دۆحەی پایتەختی قەتەر بەڕێوەدەچێت .
جاسم ئەلرومەیحی ڕایگەیاند: گەڕانەوەی پاڵەوانێتی یانەکانی کەنداو ئەمساڵ لە مانگی ئەیلولی داهاتوو دەبێت و تا مانگی نیسانی ٢٠٢٥ بەردەوام دەبێت، بە بەشداری هەشت تیپ له نێویاندا یانهی دهۆك ، ئەلنەسری ئیماراتی، ئەلعەرەبی قەتەر، ٢٠٢٠. ئەلریفای بەحرەین، قادیسیەی کوێت، ئەلئیتیفاق لە سعودیە، ئەهلی سەناعەی یەمەن، و دۆفەری عومان .
ناوبراو ڕوونیشی کردەوە: پێشبڕکێیەکانی پاڵەوانێتی لە 24ی ئەیلولی 2024 دەست پێدەکات و لە 25ی نیسان دوای پچڕانی 9 ساڵ کۆتایی دێت .
ئەمینداری گشتی فیدراسیۆنی جامی کەنداوی عەرەبی ڕوونیکردەوە: پاڵەوانێتی یانەکانی کەنداو وەک درێژەپێدەری ڕۆڵی دەستەی ڕێکخەری وڵاتانی ئەنجومەنی هاوکاری کەنداو دێت، هەروەها کاندیدکردنی تیپەکان بەگوێرەی شایستەی هەر تیپێک بووە لەلایەن فیدراسیۆنە نیشتمانییەکانی بەشدار لە فیدراسیۆنی جامی کەنداوی عەرەبی .