پێشمه‌رگه‌ سپۆرت - میران محه‌مه‌د

یه‌كێتی‌ ناوه‌ندی‌ باله‌ی‌ عێراق بڕیاری‌ دا له‌ ڕۆژی‌ شه‌ممه‌ به‌رواری‌ 30 ی‌ 11 ی‌ 2024 و له‌ نێو باره‌گه‌ی‌ لیژنه‌ی‌ ئۆڵۆمپی‌ نیشتیمانی‌ له‌ شاری‌ به‌غدادی‌ پایته‌خت كۆبونه‌وه‌ی‌ هونه‌ری‌ بۆ ئه‌نجام دانی‌ تیروپشكی‌ یارییه‌كانی‌ وه‌رزی‌ 2024 - 2025 ی‌ خولی‌ نایابی‌ تۆپی‌ باله‌ی‌ یانه‌كانی‌ عێراق ئه‌نجام بدات كه‌ 15 یانه‌ تێیدا به‌شداره‌ .

بۆ ئه‌و مه‌به‌سته‌ ، یه‌كێتی‌ باله‌ی‌ عێراق نوێنه‌ری‌ یانه‌كان بانگێشت ده‌كات كه‌ له‌ كاتژمێر 1:00 ی‌ پاش نیوه‌ڕۆ له‌ نێو باره‌گه‌ی‌ لیژنه‌ی‌ ئۆڵۆمپی‌ كه‌ ده‌كه‌وێته‌ شه‌قامی‌ فه‌ڵه‌ستین ئاماده‌بن .

جێگه‌ی‌ باسه‌ بڕیاره‌ یارییه‌كانی‌ وه‌رزی‌ نوێی‌ خولی‌ نایابی‌ باله‌ی‌ یانه‌كانی‌ عێراق له‌ به‌رواری‌ 7 ی‌ مانگی‌ 12 ی‌ 2024 ده‌ست پێبكات و له‌ كۆبونه‌وه‌ی‌ هونه‌ری‌ شێوازی‌ به‌ڕێوه‌ چون و هۆڵی‌ یارییه‌كان دیاری‌ ده‌كرێن .