یادی رۆژی جیهانی شەترەنجی پێ دەنێتە سەدەی یەکەم، كە بیرەوەری یادەکە دەگەرێتەوە بۆ دامەزراندنی یەکەم فیدراسیۆنی شەتڕەنجی نێودەوڵەتی لە٢٠ی تەمموزی ساڵی ١٩٢٤ لە پاریس.

 لەگەڵ ئەو ساڵیادە ، یادی بە وانە کردنی یاری شەتڕەنج لە کوردستان و عێراق پێ دەنێتە یەکەم یۆبیلی‌ زیوین واتا چارەگە سەدەیەکی تەواو کرد لە بەردەوامی هەوڵی بێ وچانی دڵسۆزانی ئەم یارییە لە کوردستان بە شێوەیەکی گشتی و بە هەوڵ و هیمەتی دڵسۆزانی یاریەکە لە یانەی شەتڕەنجی خانزاد لە شاری هەولێر و وەزارەتی پەروەردەی حکومەتی هەرێمی کوردستان بە شێوەیەکی تایبەتی کە یەکەم هەنگاوی زێرینی خۆی نووسیەوە لە ساڵی ٢٠٢٤ بۆ رێخۆشکردن بۆ ئەم هەنگاوە مەزنە ، کە بە دڵنیاییەوە نەوەی داهاتوو دەبینن کە فێربوونی یاری شەتڕەنج ، چ کاریگەری ئەرێنی دەکاتە سەریان بە شێوەیەکی بەرچاو ئاستیان بەرز دەکاتەوە لە کۆی وانەکان بە تایبەتی یارییە بیرکاریەکان،  هاوکاریان دەبێت لە دارشتنی پلانی تۆکمە و سەرکەوتوو لە تەواوی ژیانیان ، کە ئەوەش ئامانجی سەرەکی ئێمەیە ، ئەوە سەرەرای پێشکەش کردنی کتێبخانەیەکی گەورەی پر لە سەرچاوە گرنگەکانی فێربوون و بەهێزبوون بە زمانە جیاوازەکان و وەرگێرانی گرنگترین کتێبە جیهانیەکان لەبواری شەتڕەنج بۆ سەر زمانی کوردی کە بەردەوام لە هەموو شوێنێک بەردەستی شەتڕەنجزانانە.

لێرەوه دەمەوێت لە یادی١٠٠ساڵەی دامەزراندنی یەکەم فیدراسیۆنی نیودەوڵەتی شەتڕەنج ، ئەوە بەبیری هەمووان بهێنینەوە ، که شەترەنجزانانی کور و کچی کورد ساڵانێکە لە سەر ئاستی عێراق و ناوچەکە و تەنانەت دەرەوەش ئەنجامی شایسته و پڕشانازییان بەدەستهێناوە ، کورد خاوەن بەهرەی مەزنە لە شەترەنج، بەردەوام شەترەنجزانانی کورد بەشێک بوون لە پێکهاتە و یاریزانی هەڵبژارده جیاوازەکانی عێراق لەو یارییەدا.

ئومێدی ئەوە دەخوازم ، زیاتر و زۆرتر گرنگی بە شەترەنج بدرێت ، چونکە خاوەن شەترەنجزانی بەتواناین لە ئاستەجیاوازەکانی تەمەن ، رەنگە ئەوەی بە یارییە بە کۆمەڵەکان نەتوانین ئەنجامی بدەین لەسەرئاستی نێودەوڵەتی ، شەترەنج دەروازەیەکی فراوانە بۆ گەیشتن و بەرزکردنەوەی ناوی کوردستان.